НОВИ САД – Вчера вечар, 18. децембра, у Руским културним центре у Новим Садзе отримана уж традицийна дзецинска манифестация „Пахулька”.
Школяре нїзших класох ОШ котри у своїх школох уча руски язик зоз стихами и шпиванками обрадовали вельочислену публику и з удатну програму указали цо научели на годзинох руского язика.
На самим початку „Пахульки” наступели предшколски дзеци котри ходза на руски язик до „Палчочки”, а привитуюци наиходзаци швета, шицки дзеци одшпивали и єдну коляду.
На самим концу програми, хтору водзели Лена Яковлєв и Михаило Пап, ґу дзецом пришол Дїдо Мраз и подзелєл им дарунку.
Дзеци за „Пахульку” пририхтали учительки Анамария Рац и Оля Яковлєв.
