До Штреднєй школи „Петро Кузмяк” уписани 67 школяре

автор маф
1k Опатрене

РУСКИ КЕРЕСТУР – После обидвох уписних терминох до Штреднєй школи „Петро Кузмяк” у Руским Керестуре уписани 67 школяре. До оддзелєня Ґимназиї з руским наставним язиком 13, до оддзелєня Ґимназиї зоз сербским наставним язиком 25, а до напряму Туристични технїчар (на сербским язику) 29 школяре.

Понеже кажде спомнуте оддзелєнє може мац по 30 школярох, у керестурскей Штреднєй школи єст ище 23 места – 17 у оддзелєню Ґимназиї з руским, 5 у оддзелєню Ґимназиї зоз сербским наставним язиком и єдно место у напряме Туристични технїчар.

2-Upis-02

Гоч число уписаних школярох за шейсц менєй у одношеню на лїстину розподзельованя, у Управи Школи гваря же є, после длугшого часу – рекордне, окреме є значно звекшане у оддзелєню Ґимназиї зоз сербским язиком.

До оддзелєньох Ґимназиї векшина уписаних школярох з одличним успихом у ОШ, а медзи нїма аж тройо преглашени за школярох ґенерациї – у руским оддзелєню то школяре з керестурскей и коцурскей школи, а у сербским у ОШ „Петефи бриґада” з Кули.

Попри упису до Штреднєй школи, од 4. юлия почал и упис до керестурского Дому школярох (интернату) и тирва по 15. юлий. Дотераз ше до интернату уписали 14 нови школяре, а обчекує ше же шицки 70 места буду пополнєти.

ПОВЯЗАНИ ТЕКСТИ