Друженє и совитованє паприґарох

автор сен
922 Опатрене

РУСКИ КЕРЕСТУР – Здруженє паприґарох „Капсикум анум“ всоботу, 30. мая орґанизовало нєформалне друженє на хторим, попри членох Здруженя, були и преподавателє з тогорочней Жимскей школи польопривреди.

13-Paprigare-02

Задумка була же би ше паприґаре посовитовали з фаховцами о хованю паприґи, применьованю одредзених мирох за защиту и подобним. Понеже на преподаваньох представетелє нашенских хижох дзелєли и нашенє, було плановане обисц поля, же би видзели як паприґа напредує, медзитим, обидзени лєм дзепоєдни парцели, a тот сход бул баржей нагода за друженє, на хторим була орґанизована вечера и музика.

У рамикох своїх активносцох, паприґаре з Керестура прешлого тижня нащивели фирму „Желєни гит“ у Беоґрадзе, дзе опатрели оглядни поля и поинформовали ше о ришованю проблемох з хторима ше зочую. Як наявели зоз Здруженя, 13. юния ше пойдзе до Польопривредней корпорациї Беоґрад (ПКБ).

ПОВЯЗАНИ ТЕКСТИ