РУСКИ КЕРЕСТУР – Виронаучни млади и школяре вчера, 25. априла, зоз ш. Авґустину у предполадньових годзинох пошли на стретнуце Емауса до Водици.
На тоту драгу их випровадзел керестурски парох о. Владислав Варґа котри ше им познєйше придружел на стретнуцу же би им указал як випатрал обряд ламаня хлєба и потолковал яка медзисобна любов Пресвятей Тройци, на котру би ше шицки мали упатрац.
Попри друженя, упознаваня, роздумовали о тим през цо шицко преходзи зарно жита док нє постанє хлєб, так исто як и цо Исус доживйовал док нє умар за нас на крижу и остал з нами у пресвятей Евхаристиї. Же би им тото о чим роздумовали постало яснєйше, дзеци затрепали хлєб и упекли го.
У Водици ше дакус дружели, а на концу ше у каплїци помодлєли за свойо намиреня.
За єдзенє ше остарали волонтере з центру Йосафата, одборци им обезпечели воду и соки, а мацери котри пришли зоз меншима дзецми у шицким помогли.
