КОЦУР – У рамикох 24. „Дньох Миколи М. Кочиша”, внєдзелю, 14. децембра, у Коцуре означена 110-рочнїца народзеня священїка и културного дїяча о. Максимилияна Буилу и учителя и писателя Янка Фейсу. Здогадованє на спомнутуих перше означене з панахиду у коцурскей церкви, а потим и на Литературним стретнуцу у Парохийней сали у Коцуре.
Присутних привитал коцурски парох о. Владислав Рац, о Буилови бешедовал капелан у Коцуре о. Михайло Шанта, а о творчосци Янка Фейсу школярки Основней школи, з професорку Снежану Шанта.
Представени и нови виданя Дружтва за руски язик, литературу и културу, а после програми положене квеце на гроб Янкa Фейсу на теметове у Коцуре.
Дружтво за руски язик и його коцурска Секция програму пририхтали у сотруднїцтве з грекокатолїцку парохию у Коцуре, а з потримовку панї Агнети Буила Маслар з Нового Саду, дзивки о. Максимилияна Буилу.
