НОВИ САД – У просторийох Руского културного центру (РКЦ), вчера, 18. новембра, отримана младежска програма „Литературиюм”, з хтору започало означованє 70-рочнїци постояня нєшкайшого РКЦ у Новим Садзе.
На вечаршей програми, хтора почала з видео отвераньом вистави роботох илустратора Александра Иличича зоз Шиду, у литературней часци виривки зоз свойого нєобявеного роману „Монах и я” читала Любица Кнежевич, а потим шлїдзело авдио-представянє тиж нєобявеного роману „Инисур – рика княза” Себастияна Нярадия.
Авторки и модераторки програми Саня Дивлякович и Александра Живкович Бучко з Асю Папуґа, котра уж ма обявену кнїжку поезиї, бешедовали и о положеню младих у литератури.