БЕОҐРАД – Идуцого тижня, на вовторок, 3. новембра, предсидатель Влади Сербиї Александар Вучич заказал трецу схадзку Совиту за национални меншини Републики Сербиї, котрому є на чолє.
Як наявене, представительом шицких националних совитох националних меншинох у Сербиї мал би бешедовац и предсидатель Влади и спомнутого совиту Александар Вучич, а на схадзки буду присуствовац и члени Совиту – министрове у Влади Срдян Вербич, Иван Тасовац и Ивица Дачич.
Схадзка Совиту будзе на 11 годзин у будинку Влади Сербиї (Неманьова 11, у сали 141, на штвартим поверху), а попри звиту о витворених активносцох медзи двома схадзками, на дньовим шоре и звит о активносцох на вирабяню Акцийного плану за витворйованє правох националних меншинох.