ШИД – Каритас Сербиї почал дзелєнє гуманитарней помоци миґрантом у Беркасове, дзе нєпреривно сцигую ґу гранїци з Републику Горватску и чекаю преход до Европскей униї.
Як за „Рутенпрес” гварела координаторка за розподзеованє гуманитарней помоци Каритасу у Шидзе Маґдалена Павлович, подзелєни прейґа 500 пакети поживи, а тиж дзелєни и гиґиєнски средства за жени и дзеци.
Гуманитарну помоц на комбию превожа на спомнуту локацию, а у розподзельованю помоци участвую и волонтере Каритасу.