БЕОГРАД – Скупштина Сербиї прилапела нови Закон о защити жительства од оберацих хоротох хтори, медзи иншим, предвидзує кари од 30 000 до 150 000 динари за родичох и старательох котри нє вакциную дзеци.
Дзеци муша прияц вакцини процив туберкулози, дифтериї, тетанусу, велького кашлю, дзецинскей парализи, малих овчих покох, рубеоли, заушнїцох, вирусного гепатитису Б, хоротох хтори виволал гемуфилус, инфлуенцийох типу Б и охореньох хтори виволала стрептокока-пнеумония.
Кару буду плациц и особи котри нє гуторя правду, лєбо скриваю податки хтори значни за одкриванє жридла и способу преношеня хороти, як и гражданє котри потупя налог дохтора медицини.
Вакциновац ше муша и особи котри виложени одредзеним оберацим хоротом и маю ризик за доставанє гепатитису Б ґрипи, менинґелних хоротох, хоротох хтори виволує стрептокока-пнеумония и гемуфилус инфлуенция Б, варичели, инфекцийом хтори виволую респираторни, синициялним вирусом, та имунодефициєнти и окоґени пациєнти.
Прилапени и Закон о явному здравю, хтори предвидзує снованє Националного совиту за явне здравє, пре унапредзенє сотруднїцтва шицких орґанох, орґанизацийох, ношительох и учашнїкох у системи явного здравя.