КОЦУР – У римокатолїцкей церкви Шицки святи у Коцуре вчера, 10. априла, преславена Квитна нєдзеля по григориянским календаре. Служби Божей того дня присуствовали числени вирни.
Службу Божу служел управитель вербаскей и коцурскей римокатолїцкей парохиї о. Кароль Сабадї. Служба служена на мадярским и горватским язику, и провадзена зоз мелодию орґульох и святочним шпивом. Шицки присутни парохиянє з молитву и писню возвелїчали швето.
Пред законченьом Служби Божей, о. Кароль Сабадї пошвецел багнїтки, а вирни их могли вжац и однєсц до своїх домох, лєбо на гроби своїх покойних, як то звичай на тото швето.
