КУЛА – Вирни грекокатолїцкей парохиї священомученїка Йосафата у Кули и єй филияли у Крущичу вчера преславели Квитну нєдзелю, а на службох Божих пошвецени и багнїтки.
У Кули на Служби Божей на 9 годзин, хтору служел парох о. Виталий Лотоцки ЧСВВ, було барз вельо парохиянох, котри пришли означиц дзень Исусового триюмфално уходу до Єрусалиму, а народ го привитовал з палмовима конарами.
О тей подїї Исусовей слави, хтора була увод до його церпеня и розпинаня парох и наказовал, а на концу Служби опрез церкви пошвецел багнїтки.
На Квитну нєдзелю, на 11 годзин Служба Божа була и у Крущичу, дзе тиж пошвецени багнїтки.