РУСКИ КЕРЕСТУР – У шестим колє Медзиопштинскей лиґи Зомбор шахисти рускокерестурского Русину внєдзелю у Растини страцели зоз 4,5:1,5 од домашнєй екипи Полет 2.
Змаганє бавене на шейсц таблох, за Русин победзел Мирко Афич, нєришено бавел Михайло Венчельовски, а поражени Евґениє Медєши, Рафаил Венчельовски, Дюра Венчельовски и Иван Пап.
Понеже ше руководительство ШК Русин догварело з домашнїма, на госцованю у Растини були и пионере керестурского клубу, хтори з парняками з Растини одбавели приятельске змаганє. Медзи нїма за Русин победзели Давид Надь и Матей Катрина.
У идуцим колє Русин у Керестуре дочекує екипу з Бачкого Бреґу.