РУСКИ КЕРЕСТУР/МУКАЧОВ (УКРАЇНА) – Мишана одбойкашска екипа штредньошколцох Школи „Петро Кузмяк” з Руского Керестура нєшка одходзи до Мукачова у Закарпатскей обласци України на Медзинародни турнир у одбойки.
Змаганя на Турнире буду на ютре, 17. септембра, а як наявене, участвую млади одбойкаше зоз Словацкей, Польскей, нашо зоз Сербиї и домашнї з України.
Школу „Петро Кузмяк” и Руснацох зоз Сербиї буду представяц шесцеро школяре, як и професоре у керестурскей Школи Янко Хома и Славко Пап.
Медзинародни турнир у одбойки (подобни бул орґанизовани и у Керестуре) орґанизує Крайове здруженє подкарпатских Русинох з Мукачова, хторому на чолє Микола Бобинєц.
Одход наших штредньошколцох до Мукачова финансийно потримали Национални совит Руснацох и Руска матка.