КУЛА – Општина Кула розписала Конкурс за додзельованє средствох здруженьом и нєвладовим орґанизацийом з обласци защити од огня, односно за злєпшанє стану материялно-технїчних средствох и опреми здруженьох.
Општина Кула у 2016. року з 500 000 динари будзе финансовац союз хтори облапя нєвладово орґанизациї и здруженя гражданох у обласци защити од огня, а хтори реґистровани на териториї општини Кула.
За нєвладово орґанизациї и здруженя у обласци защити од огня, хтори дїлую у месних заєднїцох (МЗ) опредзелєни 180 000 динари, дзе 90 000 за МЗ Сивец, 60 000 динари за МЗ Руски Керестур, а за МЗ Крущич 30 000 динари.
Конкуровац можу здруженя хтори дїлую у обласци защити од огня, на териториї општини Кула су реґистровани зоз шедзиском, лєбо филиялу, запровадзую превентивни мири защити од огня, гаша огнї на териториї општини Кула и змоцнюю свидомосц о потреби защити од огня, пише у явней поволанки.
Документи за прияву мож превжац на сайту Општини Кула, лєбо на писарнїци Општинскей управи Кула, Ленїнова 11. Цали текст Конкурсу мож опатриц на сайту www.kula.rs/downloads/konkursi 3052016Konkurs.pdf.