КУЛА – Општинска рада Кула розписала Явни конкурс за дотацию за нєдоставаюцу часц средствох за финансованє програмох од явного интересу здруженьох гражданох у обласци социялней защити дзецох и одроснутих з почежкосцами у розвою. Конкурс отворени по 12. фебруар, а попри на сайту Општини Кула (www.kula.rs), нєшка будзе обявени и у новинох „Кулска комуна”.
На основу Одлуки о буджету за тот рок, ОР принєсла Заключене о розподзельованю средстох хтори наменєни информованю, а основала и Комисию за розпатранє звитох о наменским трошеню средствох за порядне финансованє спортских клубох у другей половки 2014. рока.
На ОР ради принєшени и Нарис одлуки о утвердзованю и означованю менох населєних местох, улїцох, площох и способе утвердзованя хижних числох и означованю будинкох на териториї кулскей општини.
ОР дала согласносц на пременку ценох комуналних услугох, як и же ЯКП „Комуналєц” Кула ма старосц о азилу за пси у Кули.
Предкладаня ОР будзе розпатрац и прилапйовац Скупштина општини Кула.