ЖАБЕЛЬ – Спортски союз Општини Жабель розписал конкурс за найлєпших спортистох зоз жабельскей општини у 2015. року.
Награди буду додзелени за катеґориї – найлєпши спортиста, спортска екипа, спортски фаховци-тренере, спортски роботнїки, фаховци у спорту, спортисти з инвалидитетом, спортска акция и животне дїло у спорту.
Предлоги з толкованьом и ясно назначену катеґорию можу придац спортски орґанизациї, дружтва и здруженя, члени Союзу и гражданє, а конкурс тирва по 15. фебруар.
Вецей информациї о конкурсу и критериюмох за награди мож опатруц на урядовим сайту Спортского союзу www.zabalj.org.rs лєбо на сайту Општини Жабель – www.zabalj.rs.