ДЮРДЬОВ – У рамикох 23. Културней манифестациї „Костельникова єшень” вчера, 20. новембра, у Рускей школи у Дюрдьове представени два нови кнїжки з нашей прешлосци у виданю НВУ „Руске слово” – „Мадярска Горнїца” Мирона Жироша и „На крижней драги” др Янка Рамача.
Програму водзел одвичательни редактор Видавательного оддзелєня „Руского слова” и предсидатель Орґанизацийного одбору Манифестациї Микола Шанта, котри перше представел обидва кнїжки, а потим о нїх бешедовал Микола М. Цап.
О кнїжки „На крижней драги”, хтора ше занїма з историю Руснацох у Югославиї од 1918. по 1941. рок, бешедовал и єй автор др Янко Рамач.
У музичней часци програми вецей руски забавни композициї одшпивала Танита Ходак, котру на ґитари провадзел Сашо Палєнкаш.
Под час литературного вечара у рамикох „Костельниковей єшенї” у Дюрдьове могло и купиц кнїжки НВУ „Руске слово”.