СЕРБИЯ – На вчерайшей схадзки Кризного штабу принєшени вецей одлуки о нових мирох котри буду запровадзени пре зменшованє ширеня Ковиду-19 медзи жительством.
Одлуки котри вчера принєшени одноша ше насампредз на єшеньски розпуст, котри буду мац шицки школяре у периодзе од 8. по 12. новембер. По школским календаре за 2021/22. рок предвидзене же би 11. и 12. новембер були нєроботни пре означованє Дня примиря як державного швета, алє ше на тот завод нєроботни днї преноша на цали тидзень.
На схадзки принєшена одлука и же погосцительни онєкти можу робиц 24 годзини, алє обовязка мац ковид сертификат будзе важиц од 20 годзин.