КУЛА – Од нєшка, та по 9. април, у Основней школи „Петефи бриґада” у Кули будзе Медзинародна вистава ручних роботох и колекцийох, на хторей свойо роботи представя викладаче и рижни здруженя зоз Сербиї и сушедних жемох.
Будзе то уж 45. вистава по шоре, а орґанизує ю Мадярски културни центер „Непкер” з Кули.
На вистави участвую и Здруженє женох „Байка” з Руского Керестура, чийо членїци буду викладац вишивани, ткани и геклани партки, як и Здруженє женох „Идея” з Кули, хторе роби у Руским КУД „Др Гавриїл Костельник”.
Як наявене, ютрейше отверанє вистави будзе на 14, а будзе отворена до 17 годзин, понеже и орґанизатором Вельки пияток. Од соботи до стреди ручни роботи годно опатриц од 10 до 18 годзин, а остатнї дзень, 9. априла, вистава будзе отворена до 12 годзин.