НОВЕ ОРАХОВО – У новоораховскей церкви Христа Откупителя всоботу, 19. децембра, преславене швето Миколая. На 14 годзин отримана Служба Божа, хтору служел новоораховски парох о. Владислав Рац, а по Служби школяре котри виучую руски язик з елементами националней култури, виведли пригодну програму.
Дзекуюци родичом и КУД „Петро Кузмяк”, преслава швета закончена з дзелєньом пакецикох дзецом. Ораховски вирни, зоз своїм парохом о. Рацом, на таки способ Миколая преславяю од 2005. року, а на тим 10-рочним ювилею подзелєни 27 пакецики. Число пакецикох обецує же традиция будзе предлужена.
У нагоди Миколая, о. Владислав Рац Службу Божу исти дзень служел и у Бачкей Тополї.
