ВЕРБАС – Општина Вербас медзи 40 општинами у Сербиї хтора достанє пенєжну потримовку од Министерства привреди Влади Сербиї за пририхтованє инфраструктурних проєктох за унапредзенє индустрийних и дїловних зонох, инкубаторох и кластерох, за обнову браунфилд локацийох и розвой транспортней и комуналней инфраструктури.
За помоц општином, медзи нїма и за 22 проєкти у нєрозвитих и девастованих локалних самоуправох, Министерство привреди опредзелєло вєдно 80 милиони динари, пишу нашо медиї, а преноши и портал Општини Вербас.
На основи явней поволанки, тоту финансийну потримовку Министерство витворює у рамикох Програми стимулованя ровномирного реґионалного розвою у 2016. року.