ПЕТНИЦА – Штредньошколци зоз Сербиї, Чарней Гори, Македониї, Босни и Герцеґовини и Горватскей ше по 20. новембер можу приявиц за науково-образовни програми у Виглєдовацкей станїци Петница у 2016. року.
Програми тей виглєдовацкей станїци наменєни штредньошколцом котри жадаю дополнїц знанє з астрономиї, физики, хемиї, електронїки, рахункарства, математики, биолоґиї, ґеолоґиї, медицини, социолоґиї, антрополоґиї, психолоґиї, историї, линґвистики, археолоґиї и ґрафичного дизайну.
Як наявели з Петници, идуцого року вецей як 1 000 штредньошколци годни робиц на найсучаснєйшей опреми, а з нїма буду робиц млади науковци з институтох и факултетох з цалей Сербиї.
Информациї о приявйованю мож опатриц на линку https://www.petnica.rs/index.php?option=com_content&view=article&id=39.