Файта животинї:

Пес

Як мено твойому любимцови? Хто му вибрал мено?

Мойому пшичкови мено Дурдо. Мено му дала моя шестра. Кед зме го принєсли у шкатули, вон дуркал зоз лабками до нєй, та зме го прето наволали Дурдо.

Кельо ма роки:

Ма два роки.

Як вон випатра? Можеш го описац?

Дурдо чарни, алє му ножки жовти. Вон барз вельки.

Цо твой любимец найволї робиц?

Найволї кед ше оганяме и кед ме имитира.

Зоз чим го кармиш?

Кармим го зоз косцами и ґранулами.

Як ше ти зоз нїм бавиш?

Любим Дурда гласкац. Указуєм му даяки рухи и вец их вон повторює. Любиме танцовац, стац на заднїх ногох и подскаковац.

Можеш нам виприповедац даяку шмишну ситуацию зоз нїм?

Раз ми сцекол заяц зоз клїтки и мой Дурдо такой почал брехац. Помогнул нам го влапиц. На щесце, вон го нє рушал, алє заяца лєм плашел кед ше скривал на места дзе зме нє могли го долапиц.

Чи би ши препоручел и другим дзецом же би себе набавели такого любимца и прецо?

Препоручел бим дзецом гоч хторого любимца, прето же кед маце любимца, маце и доброго приятеля.

Маш дома ище даяки животинї?

Попри пса, мам и други животин: заяци, мачки и швинї.