Наградзени и керестурски каратисти

автор зам
1.1k Опатрене

КУЛА – Скупштина општини Кула на вчерайшей схадзки одлучела же з пенєжнима наградами буду наградзени найлєпши спортисти и спортски колективи за посцигнути позарядово резултати на змаганьох у тим року.

Буду додзелєни 45 награди, а медзи нїма и дзевецерим младим каратистом Карате-клубу (КК) Спортского дружтва „Русин” з Руского Керестура.

По 10 000 динари з КК „Русин” достаню Сара Планчак, Марина Надь и Мартина Рац, а по 5 000 динари Анамария Няради, Андрей Дудаш, Теодор Няради, Анастазия Фаркаш, Ґлориян Штранґар и Александар Гарди.

За найлєпши спортски колектив у кулскей општини у 2015. року преглашени Женски фодбалски клуб „Полет” зоз Сивцу, за найлєпшого спортисту Милица Кнежевич з Атлетского клубу „Червинка”, за найлєпшого спортисту инвалида  Мане Лукич, з Дружтва за спорт и рекреацию инвалидох Општини Кула, а за найлєпше орґанизовану спортску манифестацию у тим року преглашене „Обегованє приятельства”, хторе у Кули орґанизовал Атлетски клуб „Гайдук маратон тим”.

Предкладанє за найлєпших спортистох було по явней поволанки предсидателя Општини Драґана Трифуновича, а после розпатраня приявох на Комисиї за наградзованє спортистох, Предлог о наградзених утвердзела Општинска рада Кула.

ПОВЯЗАНИ ТЕКСТИ