БЕОҐРАД – Спомедзи 145 анализованих державох, Сербия на лїстини найздравших завжала 74. место. Резултати указали же найздравши держави Синґапур, Италия, Австралия, Швайцарска и Япон, а на сподку лїстини африцки держави Свазиленд, Лесото, та Демократска Република Конґо.
Здравствени стан и условия у Сербиї горши як у державох бувшей СФРЮ, та так Словения на 25. месце, Босна и Герцеґовина на 34., Горватска на 36., а Македония на 43. месце. Сербия у ранґу з Болгарску, Гондурасом и Ираном, обявела Аґенция Блумберґ.
Лїстину творя держави з вецей як милион жительох, а оцену достали на основи факторох як цо то обчековани животни вик, причини шмерци, оцена здравственого ризику. Ґу здравственим ризиком спада мали ступень вакцинованя, велька учасц особох котри куря, маю високи голестерол и подобне.
Аґенция Блумберґ за ранґованє державох хасновала податки Зєдинєних нацийох, Шветовей банки и Шветовей здравственей орґанизациї.