БЕОҐРАД – Розвити жеми заходней Европи уж даскельо роки маю вельки потреби за медицинскима шестрами, алє вишколованим медицинским шестром зоз Сербиї там чежко достац роботу прето же їх диплома нє одвитує стандардом Европскей униї, пише РТС.
Же би наша медицинска шестра могла робиц у Европи, лєбо индзей у швеце, после штиророчней штреднєй школи муши закончиц школу за медицински шестри хтора тирва три роки. Аж вец постава дипломована медицинска шестра общого напряму. Праве пре таки розлики у образовних системох, нєобходне усоглашиц нашу з европску систему, гваря у Союзу здруженьох здравствених роботнїкох.
Понеже єдно з условийох за приступанє до Европскей униї и же би 30 одсто медицинских шестрох мало диплому тророчних студийох, у Министерстве здравя гварели же можлїве же вименки буду окончени идуцого школского року. Медицински шестри котри заняти буду мушиц надополнїц свойо знаня у складзе з европскима стандардами.