РУСКИ КЕРЕСТУР – У парохиї св. оца Миколая вчера преславене швето патрона тей парохиї Св. Миколая, владики мирликийского и чудотворца, чийо мено ноши и нашо владичество преглашене 2018. року, котрому пошвецена и керестурска церква, а тераз катедрала.
Швето означене на трох Службох Божих, а з тей нагоди парох о. Владислав Варґа на шицких повинчовал и 10-рочнїцу священства керестурскому капеланови о. Владимирови Медєшови. Поволал вирних же би ше модлєли за своїх паноцох, поготов за младих, а на концу шицки о. Медєшови одшпивали многолїтствиє.
О. Медєши тиж подзековал на потримовки на його священїческей драги и през пригодну приповедку, поведол же служел церкви тельо кельо могол.
На концу шицких Службох многолїтствиє вишпиване и шицким особом котрим маю мено по св. Миколайови.
Капеланови о. Медєшови за його рочнїцу скромни привит и дарунок пририхтали и члени Церковного одбору нашей катедралней церкви.