НОВИ САД – На парохийни будинок и грекокатолїцку церкву у Новим Садзе всоботу и внєдзелю положени нови циви за дижджовку, понеже стари уж препадли и премакали. За тоти роботи новосадска парохия од держави як помоц, по проєкту, достала 150 000 динари.
Як гварели предсидатель и секретар Церковного одбору Борислав Сакач и Владимир Римар, роботи нє було лєгко орґанизовац. Насампредз у Городскей управи за транспорт требало направиц контракт з виводзачом роботох, потим роботи приявиц компетентней испекциї и направиц елаборат о ушореню будовательних роботох. Вшадзи ше требало наявиц два тижнї напредок, так же ше за потребни папери и дозволи кончело ище од юния.
Попри тим, у планє оправиц и закрице на старим парохийним будинку, бо черепи очкодовани, а згнїти и дзепоєдни ношаци латки.