ВАЛЄВО – У Културним центре у Валєве на ютре, 24. мая, будзе отримана 48. Републична смотра „Поето народу мойого”, на хтору ше пласовали и тройо рецитаторе з писнями по руски.
У младшим возросту на Републичней смотри ше будзе змагац Ребека Семан з Руского Керестура, у штреднїм Валентина Салаґ з Дюрдьова, а у старшим возросту Тимеа Будински з Керестура.
Рецитаторох котри участвую на найвисшим змаганю у держави за тогорочни циклус змаганьох пририхтали Ивана Дудаш у керестурским Доме култури и Яким Гарди у дюрдьовским КУД „Тарас Шевченко”.