РУСКИ КЕРЕСТУР – Школяре зоз туристично-готелиєрского напряму Штреднєй школи „Петро Кузмякˮ з Руского Керестура, од 26. септембра по 10. октобер буду пребувац у Солуну у Греческей на Фаховей пракси, хтора будзе витворена у рамкох европского проєкту Еразмус + за период 2021-2027. рок.
По програми Фаховей пракси, хтори предложел Центер за доживотне ученє „ИПОДОМИˮ, котри партнер керестурскей Школи зоз Греческей, школяре керестурскей школи буду робиц у готелох и туристичних аґенцийох у Солуну.
Керестурска Школа за проєкт конкуровала пред двома роками и першираз же достала таки вельки проєкт хторому є ношитель и орґанизатор.
У Школи вчера орґанизована и родительска схадзка за родичох 16 школярох хтори уключени до фаховей пракси, як и їх два професорки фахових предметох Єлена Миркович и Бояна Милянич. Прейґ видео вязи зоз директорку греческого партнера Школи догварени шицки поєдиносци о змесценю, костираню и пребуваню дзецох у Солуну, як и о орґанизованю самого путованя.