На ютре снованє Ушорйовацкого одбору за видаванє кнїжки о Тамашовей творчосци

автор зам
811 Опатрене

НОВИ САД – У Заводзе за културу войводянских Руснацох у Новим Садзе на ютре, 20. октобра, будзе отримана конститутивна схадзка Ушорйовацкого одбору проєкту з роботним насловом „Кнїжка о творчосци Юлияна Тамаша”, информує Рутенпрес єден з инцияторох того проєкту и будуцого Ушорйовацкого одбору, писатель Владимир Кирда Болгорвес.

Як поведзене у инициялним писме, ґрупа руских писательох и интелектуалцох вообще, заключела же би требало спатриц и обєдинїц „богате, розконарене дїло поети, романсиєра, теоретичара и историчара литератури, академика и професора Юлияна Тамаша”. Идея же би ше найрелевантнєйши дотераз написани рецензиї, прикази, есеї и обсяжнєйши студиї о його творчосци позберало до трох тематских доменох.

Схадзка предложеного 10-членового Ушорйовацкого одбору на ютре будзе на 12 годзин. Одбор би оперативно запровадзел витворенє спомнутей идеї, а предвидзене же би кнїжка була друкована окреме на руским и сербским язику.

ПОВЯЗАНИ ТЕКСТИ