На ютре Стретнуце поетох, литературних и музичних творительох

автор сен 
1k Опатрене

РУСКИ КЕРЕСТУР – У сали Месней заєднїци Руски Керестур ютре на 18 годзин будзе отримане Стретнуце поетох, литературних и музичних творительох у орґанизациї Месного одбору Рускей матки у Руским Керестуре.

Як сообщели орґанизаторе, свою творчосц представя учашнїки зоз рижних местох – Руского Керестура, Кули, Коцура, Вербасу, Нового Саду и Шиду, а после того будзе и заєднїцке друженє.

Скорей Стретнуца, на 17 годзин у канцелариї Рускей матки, будзе отримана схадзка Управного одбору Рускей матки и редакцийного одбору глашнїка Рускей матки „Руснак”, на хторей будзе презентоване остатнє число того глашнїка, а будзе ше правиц и плани за идуце.

Єдна з точкох на схадзки будзе и догварка о финалних орґанизацийних и технїчних пририхтованьох першого Медзинародного русинского филмского фестивалу „Русин филм фест”, хтори будзе отримани 1. и 2. октобра у Шидзе.

ПОВЯЗАНИ ТЕКСТИ