ДЮРДЬОВ – Концом прешлого рока, як гварел парох дюрдьовски о. Михаил Холошняй, грекокатолїцка парохия при св. Храме Рождества Пресвятей Богородици видала нотни зборнїк „Воскресна утриня Карпаторуского простопиния” у церковно-писньошпивней традициї грекокатолїцких войводянских Руснацох.
Цалосна воскресна утриня гармонизована и обробена за штирогласни мишани хор. Гармонизацию поробела Татиана Холошняй-Барна.
Текстуалну часц и уметнїцке оформенє поробел протоєрей о. Михаил Холошняй – Матїйов.
Тото вредне виданє „Воскресней утринї” оможлївене дзекуюци финансийней потримовки Општини Жабель.
Заинтересовани зборнїк можу достац на парохиї.