СЕРБИЯ – Нєшка, 15. фебруара, Дзень державносци Сербиї – державне швето хторе ше означує два днї, так же нєшка и на ютре нєроботни днї.
Дзень державносци Сербиї представя здогадованє на дзень кед на зборе у Орашцу 1804. року, на Стретениє, подзвигнуте Перше сербске повстанє, як и на дзень кед у Краґуєвцу 1835. року видати и потвердзени перши Устав Княжовини Сербиї, волани и „Сретеньски устав”, з хторим у Сербиї, медзи першима у Европи, утаргнути феудализем.
Попри тим же є Дзень державносци, 15. фебруар и Дзень уставносци Сербиї, а як дзень здогадованя на початок Сербскей револуциї славени є по наставанє Кральовини Сербох, Горватох и Словенцох, после чого є утаргнути. Як Дзень державносци Сербиї знова ше го почало славиц 2002. року.
Як то на державни швета, нєшка и на ютре нє робя державни орґани, институциї и установи.