РУСКИ КЕРЕСТУР – Керестурска парохия нєшка, по григориянским календаре, преславює швето пророка Илиї. Ранша и Вечарша Служба будзе у церкви, а Велька Служба Божа у Водици.
На тото швето вирни ше пригадую на старозавитного пророка Илию, котри ше борел процив фалшивих богох и наруцованя поганскей вири, а при людзох є познати и як защитнїк од грома и бурї.
У Водици ше вирни нєшка годни помодлїц и пред путюцу икону блаженей шестри Йосафати и поциловац єй мощи, а шестри Служебнїци о єй живоце и чеснотох виложа реферат.