РУСКИ КЕРЕСТУР – У катедралней церкви св. оца Миколая нєшка на 18 годзин будзе традицийна майсторска Служба Божа.
Тоту традицию и нєшка отримує керестурске Здруженє ремеселнїкох и приватних поднїмательох, а на Майсторску Службу поволує шицких своїх членох и їх фамелиї.
Тоту Службу ше служи як подзекованє Богу и його благослов на роботу членох Здруженя, а тиж є и нагода за Вельконоцну святу споведз и причасц. По Служби служи ше и панахида за шицких покойних членох Здруженя.
Того дня и споведз за старших хтори ходза на друженє до Каритасу, а мож приявиц и старших и хорих за Вельконоцну споведз. Паноцове буду споведац по валалє на перши пияток 1. априла.