РУСКИ КЕРЕСТУР – У катедралней церкви св. Миколая нєшка на 18 годзин будзе служена традицийна майсторска Служба Божа, хтора ше служи штварток, у половки Велького посту.
Майсторска Служба то длугорочна традиция хтору и нєшка отримує керестурске Здруженє ремеселнїкох и приватних поднїмательох, а на Майсторску Службу поволує шицких своїх членох и їх фамелиї.
Тоту Службу ше служи як подзекованє Богу и його благослов на роботу членох Здруженя, а тиж є и нагода за вельконоцну Споведз и Причасц. По Служби служи ше и панахида за шицких покойних членох Здруженя.