НОВИ САД – На СПЕНС-у нєшка почина еколоґийно-туристично-привредна манифестация „Новосадска єшень”, на хторей нащивителє годни поопатрац и купиц квеце, саднїци, опрему за квецарство, ручни роботи, продукти старих ремеслох, здравствено-безпечну поживу итд.
Як гваря орґанизаторе – Рух горякох Нового Саду – понеже єшень прави час за садзенє, централна часц манифестациї будзе вистава гортикултури, на хторей буду виложени сезонски файти квеца и саднїцох, черепи за квеце и опрема за гортикултурне ушоренє.
З орґанизованьом фахових трибинох, преподаваньох, округлих столох и роботньох, орґанизаторе жадаю допринєсц розвиваню еколоґийней свидомосци гражданох, а и того року будзе орґанизована черанка старого паперу за саднїци квеца и древох, у орґанизациї „Инженєрох защити животного штредку”.
Манифестацию потримує Город Нови Сад, прейґ своєй Управи за защиту животного штредку и Управи за привреду.