РУСКИ КЕРЕСТУР – Преслава з нагоди 50 рокох Мултимедиялного часопису за младих МАК будзе отримана нєшка при теренох за одбойку при базену у Руским Керестуре.
„МАК-ово 50 роки” буду означени зоз промоцию нового зборнїка поезиї и фотоґрафийох „Ґенерация 3@”, хтори вишол тих дньох як 23. кнїжка у едициї МАКoff и почнє на 19 годзин. Потим будзе отримани квиз и проєкция документарного филма о пол вика МАК-у, хтори дзень после будзе доступни и на МАК-овим Ют’юб каналу.
Нащивителє буду мац нагоду поопатрац и виставу фотоґрафийох Андреи Новак, а после програми будзе журка.
Преславу МАК-ового 50. родзеного дня орґанизую МАК (НВУ „Руске слово”) и Пакт Рутенорум, зоз финансийну потримовку Роботного цела за младих Националного совиту Руснацох.
Поволани шицки!