БЕОҐРАД – Предсидатель Влади Сербиї Александар Вучич за нєшка, вовторок, 3. новембра, заказал трецу схадзку Совиту за национални меншини Републики Сербиї, хторому є на чолє.
Як наявене, представительом шицких националних совитох националних меншинох у Сербиї мал би бешедовац и предсидатель Влади и спомнутого совиту Александар Вучич, а на схадзки буду присуствовац и члени Совиту – министрове у Влади Срдян Вербич, Иван Тасовац и Ивица Дачич.
Схадзка Совиту будзе на 11 годзин у будинку Влади Сербиї (Неманьова 11, у сали 141, на штвартим поверху), а попри звиту о витворених активносцох медзи двома схадзками, на дньовим шоре и звит о активносцох на вирабяню Акцийного плану за витворйованє правох националних меншинох.
Спред Националного совиту Руснацох на нєшкайшей схадзки у Беоґрадзе будзе присуствовац предсидатель Вивершного одбору Совиту Желько Ковач.