РУСКИ КЕРЕСТУР – У парохиї св. оца Миколая, хтора ше ровна по григориянским календаре, нєшка Богоявлєнска тє. трокральова Вилїя, а наютре швето Богоявлєнє Господнє – Трокралї. Пошвецанє обисцох нє будзе.
Нєшка на Вилїю Василийова Служба Божа на 8 годзин, а вечар на 17 Всеночне. У єдзеню, на тот дзень ше и строго посци, як и на крачунску Вилїю.
Наютре швето Богоявлєнє Господнє, здогадованє на євангелску подїю кед Йоан Креститель у рики Йордан покресцел Исуса Христа. Того дня Служби Божо у катедралней церкви буду на 8 годзин, велька зоз пошвецаньом води на 10 и вечарша на 17 годзин.
Як виглашел парох керестурски о. Михайло Малацко, того року нє будзе пошвецанє обисцох зоз богоявлєнску воду пре епидемиолоґийну ситуацию.