КОЦУР – У рамикох Културней манифестациї „Костельникова єшень” нєшка, 24. новембра, у ОШ „Братство єдинство” будзе стретнуце з писательками найновших кнїжкох за дзеци у виданю НВУ „Руске слово”.
На стретнуцу буду представени кнїжки „Злагода” Серафини Макаї, „Гайзибан на шпарґу” Меланиї Римар и „Котульки и ґомбульки” Ирини Гарди Ковачевич, а о кнїжкох будзе бешедовац и редактор Видавательного оддзелєня „Руского” Микола Шанта, котри и предсидатель Орґанизацийного одбору „Костельниковей єшенї”.
На 11 г. кнїжки буду представени школяром нїзших, на 12 г. висших класох ОШ, а на обидвох програмох у музичней часци участвую Танита Ходак и Сашо Палєнкаш.