КИСАЧ – У Кисачу нєшка будзе Фестивал „Словацке народне облєчиво у Войводини” же би ше, як гваря орґанизаторе, на ориґинални способ допринєсло очуваню 270-рочней традициї Словацох у Войводини, а як наявене, Фестивал отвори предсидатель Покраїнскей влади Иґор Мирович.
Фестивал у Културним центре у Кисачу почнє на 18 г., а у ревиялней часци кажде место з Войводини у хторим жию Словаци представи свойо народне облєчиво, з визначованьом його специфичносцох.
У рамикох Фестивалу буду отримани и два провадзаци манифестациї, хтори допринєшу очуванє народного облєчива войводянских Словацох.