БЕОҐРАД – Совит Аґенциї за енерґетику Сербиї (АЕРС) прешлого тижня дал согласносц на Одлуку по хторей цена природного ґазу за явне подмирйованє од 1. юния штреднє будзе нїзша за 3,6 одсто.
Гражданох котрих подмирює Явне подприємство „Сербияґаз” од нєшка обчекує зменшанє цени ґазу за 4,06 одсто, цо пошлїдок кварталного рушаня ценох дериватох нафти на берзи и курсу долару, сообщело тото подприємство.
У Сербиї на ґаз приключени 250 000 ґаздовства (10 одсто ґаздовствох), а по податкох АЕРС-у, у 2015. року ґаз куповали 226 000 ґаздовства, хтори рочнє трошели штреднє 845 кубики ґазу.
После зменшаня цени, хаснователє кубик ґазу буду плациц коло 1,32 динари менєй (без ПДВ), так же рахунок за ґаз (з ПДВ) рочнє будзе за коло 1 227 динари менши як дотераз.