КОЦУР – У грекокатолїцкей церкви Успения Пресвятей Богородици у Коцуре внєдзелю, 12. юния, преславени Русадля по юлиянским календаре.
У церкви з нагоди того швета служени Служби Божи, а коцурски парохиянє, по цалим валалє оквицели облаки на своїх домох зоз желєнима конарчками и квецом, як то и звичай на тот дзень.На Малим теметове, при крижу, внєдзелю пополадню парох коцурски о. Владислав Рац служел парастос за шицких покойних, котрому присуствовали числени вирни. У заєднїцкей молитви, шицки парохиянє ше здогадли своїх милих покойних. По законченим парастосу при крижу, о. Рац служел панахиду на поєдинєчних гробох.
Другого дня Русадльох у грекокатолїцкей церкви будзе и мированє, а трецого дня того швета коцурски вирни нащивя Водицу.
