РУСКИ КЕРЕСТУР – У Основней и штреднєй школи з домом школярох „Петро Кузмяк” у Руским Керестуре вчера означени Европски дзень борби процив тарґовини з людзми. Школяром о тей теми отримани даскельо роботнї, а о нєй бешедоване и на годзинох оддзелєнского старшини.
Окремни роботнї отримани за школярох осмей класи и штредньошколцох у интернату, а отримали их педаґоґинї и помоцнїк директора. Шицким школяром препоручене же би вчера вечар премиєрно на РТВ-1 опатрели филм „Припатраче”, хтори наменски зняти на спомнуту тему хтора, нажаль, постала єдно з дружтвених злох сучасного швета.
Школа „Петро Кузмяк”, вєдно зоз шицкима школами у кулскей општини, уключена и до окремного проєкту о Превенциї процив тарґовини з людзми, хтори будзе реализовани у наступним периодзе.