БРАТИСЛАВА (СЛОВАЦКА) – У Братислави, у Словацкей Републики, нєшка, 15. децембра будзе Семинар з тему „Поровнаня у обласци обезпечованя законодавних рамикох националних правох у рамикох державох В4”, а на двох панелох будзе слова о законскей реґулативи защити националних правох у вибраних сушедних жемох и о законских инициятивох з обласци защити правох националних меншинох и етнїчних ґрупох.
Зоз Сербиї на Семинаре участвує народна посланїца у Скупштини Сербиї Олена Папуґа, котра будзе бешедовац о Закону о националних совитох и о образованю.
Орґанизатор Семинару, на хторим учашнїки зоз Словацкей, Польскей, Мадярскей и Сербиї, Здруженє интелеґенциї Русинох Словацкей, а Семинар часц проєкту „Чемерица”, хтори спомнуте здруженє витворює з потримовку Министерства вонкашнїх дїлох и европских роботох Словацкей Републики.