НОВИ САД – Млади од 15 до 30 роки з Нового Саду и сушедних местох ше можу приявиц за волонтиранє у рамикох проєкту „ОПЕНС2019-Нови Сад Младежска престолнїца Европи 2019”.
Волонтере буду анґажовани на активносцох у рамикох того проєкту, як цо то и Други Младежски форум у Новим Садзе, хтори будзе 12. авґуста. На тот датум Медзинародни дзень младих и будзе ше зберац символични 2019 подписи за потримовку кандидатуру Нового Саду за Младежску престолнїцу Европи. Тиж так, волонтере годни участвовац и у интересантних тренинґох и роботньох.
Приявиц ше мож по 26. юлий, а формулар ше находзи на сайту www.opens2019.rs/sr/zelis-da-volontiras, дзе мож видзиц вецей информациї о конкурсу. Прияву треба послац на е-адресу gordana@opens2019.rs.