КОЦУР – Здруженє ремеселнїкох з Коцура вчера отримало порядну рочну Скупштину на хторей, медзи иншим, бешедоване и о проблему будинку у хторим ше находза їх просториї, а о хторих ше споря з Општину Вербас.
По словох предсидательки Здруженя Любици Колошняї, Општина власнїк просторийох Здруженя и жеми на хторих ше находза, алє од їх вибудови ремеселнїки их хасную задармо, єдну часц и видаваю, з чого маю и яки-таки приход. Општина жада утаргнуц безплатне жедляренє и вона наплацовац кирию, з чим ремеселнїки нєзадовольни. Тото питанє ище отворене, а у Здруженю ремеселнїкох ше наздаваю же ше го нє будзе мушиц судски ришовац.
Попри спомнутей теми, на Скупштини одлучене же Здружене ремеселнїкох Коцура того року з по 10 000 динари помогнє ОШ „Братство-єдинство” у означованю ювилею, потим Етно-клубу „Одняте од забуца”, як и Фодбалскому клуби „Искра”, хтори им послали вимоги за финансийну помоц.