КРУЩИЧ – Прешлого тижня урядово основане Здруженє Чарногорцох Крущичу, пре презентованє културно-уметнїцких вредносцох чарногорского, та и других народох, розвиванє културней, уметнїцкей и просвитней творчосци.
На сновательней Скупштини вибрани орґани Здруженя, дзе и тринацчленове Предсидательство. За предсидателя Здруженя Чарногорцох Крущичу вибрани Ранко Шпанєвич, а за його заменїка Здравко Булатович.
Члени Здруженя жадаю порушац Чарногорцох же би участвовали у їх роботи, планую орґанизовац вистави малюнкох, литературни вечари, театрални представи, трибини и рижни други змисти.
Сотруднїцтво з другима здруженями Чарногорцох и Националним совитом Чарногорцох, та повязованє з културнима, просвитнима и фаховима орґанизациями у Чарней Гори, тиж буду єдни з приоритетох того Здруженя.